12 أبريل.. الحكم على تامر أمين في قضية تصريحات أهالي الصعيد المثيرة للجدل

قررت محكمة جنح مدينة نصر، جلسة 12 أبريل المقبل موعد الحكم على الإعلامي تامر أمين، بسبب تصريحاته المثيرة للجدل التي تحدث فيها عن الزيادة السكانية.

وكان تامر أمين قد اعتذر في فيديو تم تداوله على مواقع التواصل الاجتماعي، قائلًا:"حابب أبدا الفيديو وقبل أي كلام في التفاصيل باعتذار واضح وصريح لكل أهالينا في الصعيد ولكل مكان في مصر زعلانين مني، أنا لا هكابر أو أقاوح، أنا من الناس اللي بتعتذر لما تحس أن الناس زعلانه منها، وربنا يعلم أن نيتي كانت خير وكان الهدف المصلحة العامة".

وتابع:"أكتر حاجة تضايقني في الدنيا أو واحد صعيدي أو واحدة صعيدية يزعلوا مني، أنا من أكتر الناس المؤمنين بالصعيد وعزة نفس الصعيد وكرامة الصعيد، وصعيد مصر هو أصل مصر واللي طلعلنا كل القامات والآدباء والمفكرين والناس الشريفة والمحترمة والله مقصدش الإهانة".

وأضاف:"وبقول لكل صعيدي وصعيدية جزمتكم على راسي من فوق وأنا ابنكم وابن ريف مصر ونسايبي من الصعيد وبتشرف من النسب ده".