جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بين الهجوم والتأييد.. عمرو يوسف يتصدر التريند بعد عرض برومو "الملك"

الاربعاء 31 مارس 2021 | 12:13 مساءً
سارة إبراهيم
1157
عمرو يوسف

بمجرد طرح برومو مسلسل "الملك" بطولة الفنان المصري عمرو يوسف، والذي يتناول قصة الملك أحمس، أحدث ضجة بين نشطاء مواقع التواصل الاجتماعي، بين الهجوم والتأييد للمسلسل، وهو ما جعل عمرو يوسف يتصدر التريند على موقع "تويتر".

فقد هاجم عدد كبير من النشطاء المسلسل بعد عرض البرومو، وأكدوا أن به الكثير من الأخطاء، حيث كتب أحدهم: والله أصلا موضوع مسلسل بيحكي عن ملك فرعوني من جنوب مصر يبقي بطله عمرو يوسف دة ضحك خام.. يعني الملك احمس دة كان اسمراني من الصعيد يعني ملامحة ملهاش اي علاقة بعمرو يوسف واكيد مكانش عامل دقنه تركي لان مكنش فيه تركيا في الوقت دة أصلا يعني".

وكتب آخر: "للاسف كنا نتمنى مسلسل احمس يكون قايم على حقائق تاريخية واوصاف اجدادنا ساعتها وابسط حاجة لحية عمرو يوسف اللي كانوا حالقينها مش زي ما المسلسل عامل لكن المسلسل مأخوذ عن رواية فيها اخطاء تاريخية اصلا وكمان بيزود عليها من عنده ولو فشل مش هيقولوا عشان الاخطاء هيقولوا عشان تاريخي".

وكتب ثالث: واحد عينه ملونة وبدقن و واحدة شعرها أصفر والمسلسل شوية لغة عربية فصحى وشوية عامية واين انتي يارقااااابه من كل هذا".

بينما عبر البعض الآخر عن تأييده للمسلسل، وأكدوا أن البرومو كان مبهر، حيث كتب أحدهم: "#برافو مجهود و انتاج واضح و التاريخ لازم يوثق و أختيار الفكرة و الموضوع جيد"، وكتب آخر: "شكلنا زي ما بنقول شابوه يوسف الشريف حنقول شابوه عمرو يوسف المسلسل نقله جديده في الدراما وحته كده محدش بيقربلها وهي التاريخ الفرعوني وواضح ان في شغل حلو عالديكور والمعارك وبكره نشوف".

وكتب ثالث: "علي فكره عمرو يوسف هيكسر الدنيا وكلكو هتشوفو مش عشان عيونو خضر والكلام ده في نجوم تانين مش بيعرفو يمثلو بس بيمثلو وعمرو يوسف هيكسر رمضان ٢٠٢١ ربنا يوفقك يااارب متحكموش عشان التريلر بس التريلر عاجبني جدا جدا".