أحمد فهمي يكشف سبب رفضه مشاركته لهنا الزاهد في بطولة "حلوة الدنيا السكر": مش عايز حد يزقها

كشف الفنان المصري أحمد فهمي عن رأيه في أول بطولة مطلقة لزوجته الفنانة هنا الزاهد من خلال مسلسلها "حلوة الدنيا سكر" الذي يُعرض حاليا بحكاياته المختلفة.

أحمد فهمي أكد أنه أشفق عليها في البداية، قائلا: "أنا شايف إن هي في وقتها، وكنت شايف من يوم ما اتخطبنا إن هنا في خلال 3 او 4 سنين، هتكون من أهم الناس اللي موجودة بعيدا هي مراتي ولا لا أنا ما بجاملش".

الفنان المصري أضاف: "لكن لما جت خطوة المسلسل كانت صعبة، وإن بنت في العشرينيات تشيل بطولة دي بتبقى صعبة، ونادرا ما بتحصل في السن ده".

وتابع، خلال استضافته في برنامج "ET بالعربي": "أنا شايف إن هنا عندها جمهور المراهقين والأطفال كلهم، وهي كمان على السوشيال ميديا الأقوى كبنت، وشايف إنها نجحت نجاح كبير".

وعن سبب رفضه مشاركته في بطولة إحدى حكايات المسلسل، قال: "كنت مصمم إني مطلعش معاها في حدوتة كاملة، عايزها لوحدها خالص من غير ما حد يزقها، والمشاهدات ورد الفعل الحمد لله".