نشوى مصطفى تهاجم ميار الببلاوي.. والأخيرة ترد: أتمنالك الهداية

هاجمت الفنانة المصرية نشوى مصطفى زميلتها الفنانة ميار الببلاوي، واتهمتها بتغيير مواقفها حسب المصلحة.

نشوى مصطفى كتبت، على حسابها الخاص على موع "الفيس بوك": "السنة اللي فاتت في نفس التوقيت زميلة عزيزة محجبة قالت نصاً أي ممثل بيشتغل في رمضان حرام عليكم سيبوا لنا رمضان نتعبد فيه".

وأضافت: "واستعدت الناس على زمايلها اللي بيمثلوا مسلسلات رمضان وزعلت منى لما دخلت عاتبتها، الدهشة إنها السنة دي مشتركة في مسلسل بتمثله دلوقتي هيتذاع في رمضان".

ميار الببلاوي ردت على هجوم نشوى مصطفى، حيث كتبت، على حسابها بموقع "الفيس بوك": "أتفاجئت من بعض المتابعين ليا على الفيس بوك بعتولى اسكرينه بكلام منشور من زميلة محترمة بتروج اشاعه معرفش ايه مصدرها".

وأكملت: "ولأن مش متابعاها ، للاسف مخدش بالى انا معرفش هى بتتكلم عن ايه بس انا لاتعليق ولازم كلنا نفهم أن محدش بياخد رزق حد وكله بأيد ربنا واحتراما لروح الزاملة اللى بينا والايام الفضيلة اللى احنا فينا لا تعليق على كلامك واتمنالك الهداية".