بالصور.. أحمد فلوكس يستعيد ذكرياته مع تامر حسني "أيام الكحرتة".. والأخير يرد

استعاد الفنان المصري أحمد فلوكس ذكرياته مع الفنان تامر حسني، في المرحلة الجامعية، حيث أنهما كانا زميلين في كلية الإعلام.

أحمد فلوكس وتامر حسني ظهرا في الصور بملامح مختلفة كثيرا عن شكلهما الحالي، وعلق فلوكس، على حسابه الخاص على موقع "انستجرام": "انا و تامر ايام الكحرته ،،، ايام الجامعه وسط كتب ابويا.... احلي ايام".

تامر حسني رد على كلام فلوكس، بكشفه المزيد من التفاصيل عن هذه الصور، حيث كتب: "مش عارف ازاي نجحنا في كلية إعلام انا و فلوكس كنت طول الليل و النهار بعمل ألحان محدش بيسمعها غيره".

وأضاف: "و طبعاً إهتمامه بغنايا و ألحاني واضح جداً في الصوره .. وهو كان فلوكس العاطفي ليل نهار حب في التليفونات و مفيش مذاكره لحد ما ابوه حبيب قلبي دخل شنقه بالسلك دا و انا اخدتلي واحده بالسماعه دي على دماغي".

وتابع: والصوره اللي تحسوا ان انا فيها نجيب محفوظ دي كانت تمويه عشان ابوه اول ما يدخل يلاقيني في السليم و احمد يتروق لوحده 🤣حبيبي يا لوكس احلى ايام والله 🌹سلملي على بابا جداً و قوله ضربة السماعه طمرت اهيه".