نشوى مصطفى تنتقد حملة "نتفرج بعدها نحكم" لدعم مسلسل "الملك": شوية احترام لمستهلك سلعتك

انتقدت الفنانة المصرية نشوى مصطفى حملة "نتفرج بعدها نحكم"، والتي أطلقها عدد من نجوم الفن لدعم مسلسل "الملك" بطولة عمرو يوسف، والاعتراض على وقفه، بعد الانتقادات الشديدة التي تعرض لها على السوشيال ميديا بمجرد عرض البرومو.

نشوى مصطفى طالبت الفنانين باحترام رأي الجمهور، مؤكدة أنه من الصعب الضحك عليه وبيع لع بضاعة معيوبة، حيث كتبت، على حسابها الخاص على موقع "الفيس بوك": "شوية صمت حيكون فى مصلحتنا اكتر .. شوية ذكاء .. شوية احترام لمستهلك سلعتك".

وأضافت: "المستهلك بتاع النهارده صعب تضحك عليه وتبيع له بضاعة فيها عيوب .. ببساطة لان (( المستورد )) قدام عينيه ليل ونهار وانتو عارفين المستورد الخواجة مابيهزرش والشغل عنده بيتوزن بميزان دهب".

وتابعت: "مفيش قدامك غير الجودة.. المرحلة الجاية البقاء للأشطر .. مفيش واسطة ولا محسوبية.. ولا مجاملات ولا صحوبية.. السنة دى سنة الفرز — والسوق قرب والڤاترينة مليانة —- من اول يوم فى السوق الرابحين السنة دى حيكونو هما الشطار بجد".

الفنانة المصرية اختتمت كلامها، بقولها: "ربنا يكرم الشطار ويكتر من أمثالهم.. ويكرم المجتهدين اللي بحق وحقيقى وفرصة للمستسهلين انهم ياخدو بالهم ومايستسهلوش وربنا يكرم الجميع".