أحمد السعدني يعلن عن إنسحابة من مسلسل "كله بالحب"

اعلن الفنان أحمد السعدني منذ قليل عن إنسحابة بشكل رسمي من مسلسله الجديد "كله بالحب" المقرر عرضه خلال الموسم الرمضاني المقبل، و تقوم ببطولته الفنانة زينة.

وكتب السعدني الصغير عبر حسابة الرسمي بموقع التواصل الإجتماعي فيسبوك قائلا:اعلن بشكل رسمي انسحابي من المسلسل (المهزله) و تقدمي بشكوي رسميه للنقيب الدكتور اشرف ذكي ضد شركة الانتاج للخرق الواضح للعقد الموقع مع الشركة متمسكاً بكافة حقوقي الماديه و اسف للازعاج مره اخري و رمضان كريم".

الجدير بالذكر ان الفنان أحمد السعدني كتب الأسبوع الماضي عن عدم إرتياحة بسبب ما يحدث في كواليس مسلسله الجديد و كتب قائلا:" "الحقيقة أنا عمري ما عملت مشكلة في شغلي وعمري ما اختلفت مع زمايلي، إنما اللي بيحصل معايا في المسلسل اللي شغال فيه 24 ساعة مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف".وأضاف السعدني: "أنا متربي في ستوديوهات، كبرنا أنا واللي زيي اللي كان بيتقال عليهم أبناء الفنانين، كأنها شتيمة، على احترام مهنتنا مواعيدنا ومذاكرتنا وتحضيرنا للشغل، واحترامنا للكلمة قبل العقد للأسف شركة الإنتاج ملتزمتش معايا باتفاقهم اللي على أساسه وافقت أشتغل، وكان شرط أساسي لقبولي الشغل معاهم والحقيقة، أول مرة أشوف تصميم دعاية عمل فني من إفيشات وبرومو بتعمله زميله في العمل طول عمري كنت فاكرها من اختصاص شركة الإنتاج، الحقيقة أنا ضهري في الحيط أكمل وأقبل بالعبث ده عشان باقي الزملاء الفنانين والفنيين المشاركين في العمل اللي ملهمش ذنب وإلا أقعد في بيتنا وأكتفي باللي صورته وأطلب من النقابه تجيبلي حقوقي المادية، وفي كل الأحوال، أنا بعتذر لأي شخص بيحبني عن تواجدي في هذا العمل لأن الحقيقة اللي بيحصل ده مهزلة".