بعد انتهاء عرض "بين السما والأرض".. محمد ثروت: بحبكم يا أهل الاسانسير

بعد عرض الحلقة الأخيرة من مسلسل "بين السما والأرض"، وجه الفنان المصري محمد ثروت رسالة شكر للجمهور وصناع العمل.

محمد ثروت كتب: " بسم الله الرحمن الرحيم.. كل سنه وانتوا طيبين يا احلي جمهور رمضان كريم عليكم واتمني اني كنت ضيف خفيف عليكم السنادي و كنت عند حسن ظنكم فيا واني قدرت اغير جلدي واعمل دور تراجيدي يكون حاز اعجبكم وامتعكم".

وأضاف: "النهارده كانت الحلقه الأخيرة من احب المسلسلات لقلبي مسلسل #بين_السما_والارض اخراج العبقري محمد العدل Mohamed El Adl اللي وثق فيا فنيا اني اقدر امثل هذه الادوار المركبه والصعبه بجانب نجوم مبدعين ومتميزين واني اكون قد المسؤليه اني اكون واحد من ابطال المسلسل الجماعي المحترم والمتميز 😍 شكرا ماندو العدل علي هذه الفرصه ربنا يديم المحبه والمعروف مابينا".

وتابع: "شكرا شركه سينيرجي_تامر_مرسى علي هذا الانتاج العظيم وعلي اتاحه الفرصه لي اني اكون واحد من الفنانين المشاركين في هذا العمل المتميز و المشرف.. شكرا الاستاذ ا/تامر مرسيTamer Morsy Synergy - تامر مرسي شكرا ا/حسام شوقي الاشراف العام علي انتاج مسلسل قوي مختلف عن مسلسلات رمضان زي ده".

وأكمل: "اما بالنسبه للنجوم العباقره المشاركين في المسلسل ده ابدعتم وامتعتوني بالتمثيل معاكم في مباره تمثيليه قويه زي ده يقودها مخرج عالمي بكل امكانيات التي يمتلكها من خبره وابداع

واختتم كلامه، بقوله: "شكرا لكل الناس الي كانت وراء الكاميرا من اخراج وانتاج وتصوير وتأليف وديكور وملابس اضاءه انا شوفت اد ايه تعبتوا بجد كلكوا بلا استثناء واشهد انكم كنتوا بتبقوا وتشتغلوا بكل طاقاتكم وانتوا حابين هذا العمل لانكم كنتوا عاوزين تعملوا مسلسل يشرفكم بحبكم يا اهل الاسانسير".