أحمد شيبة يهاجم سمر يسري

هاجم الفنان المصري أحمد شيبة، الإعلامية سمر يسري، وذلك بسبب طريقة تقديمها له في أحد البرامج التليفزيونية منذ عدة سنوات.

شيبة قال، خلال لقائه مع المخرجة إيناس الدغيدي في برنامج "شيخ الحارة والجريئة" على قناة "القاهرة والناس": "المقابلة كانت غلط من البداية.. المعد دخل وسلم على مصطفى حجاج ووضع له السماعات ومشي وأنا قاعد جنبه، قلت له إيه يا عم هو أنا عندي تنيا! إنت ولا سلمت عليا، ولا وضعت لي سماعات، هو ده مقلب؟"

وأضاف: "التقديمة كانت غلط من الأول، لكن جمهوري جابلي حقي وربنا الأول.. لما تقدميني تقولي المطرب اللي عمل 40 مليون في 15 يوم أو 20 يوم.. دلوقتي بيعملوا مليون ويقولوا تريند. أنا كنت عامل في أسبوع 40 مليون، وأغنيتي عاملة 500 مليون لغاية دلوقتي. مش أول ما تقدميني تقولي اللي كان سمكري".

وأكد أنه متعلم، ووصل في التعليم إلى الصف الثالث الإعدادي، قائلا: "كنت شغال عامل وباذاكر، ومحصلش نصيب أكمل تعليمي، كل واحد وظروفه، وأنا ضعيف في الإنجليزي مش عيب".