مها أحمد تفتح النار على أمير كرارة والسقا .."جالي اكتئاب بسببهم"
علقت الفنانة مها أحمد على اتهامها لكل من أمير كرارة والفنان أحمد السقا بعدم مساعدتها، وقالت في بث مباشر على حسابها الخاص على الفيس بوك وقالت بأنها قابلت زميل كانت وقتها تقدم برنامج وكان هو أيضا يقدم برنامج قبل أن يشتهر، وكان يناديها بأستاذة، وبعد ان أصبح نجم قالت له "مبروك ..مش هنشتغل مع بعض" ولكنه رد "الدور ينادي صاحبه" وهو رد لم تتوقعه،وهو ما أصابها بإكتئاب وأضافت قائلة "كتير جدًا.. أنا تعبت وأخدت أدوية ومازلت باخد الأدوية لحد دلوقت.. شئ طبيعي لما ألاقي فيها حاجة بها رد اعتبار ليا.. هتكلم وأكتب على صفحتي.. وأنا كتبت بصراحة شديدة.. ولا بشمت في حد ولا عايزة.. ولو عايزة أشمت هشمت في نفسي أني أحسن من ناس كتير وقاعدة في البيت.. ربنا كارمني أن أعمالي بتتعرض على الشاشة.. ولسه في حكايات كتير مع زملاء كتير هحكيها”.
وعن خلافها مع أحمد السقا قالت "لجأت لصديق ليا كان زميلي وزميل جوزي.. وكان بيروح عند جوزي في بيته وأهل جوزي كانوا فاتحين ذراعيهم ليه والعكس.. مش عيب أني أتكلم معاه وأعيط وأقوله أني حزينة بسبب قعدتي في البيت.. قولت لمجدي أنا هكلم زمايلنا اللي هما نجوم وقوليلهم أني عايزة أشتغل.. قالي متعمليش كده عشان متقلليش من نفسك.. معملتش بكلام مجدي وكلمته وعيطت.. وأبتديت أدخل في مرحلة اكتئاب لأني عايزة أشتغل.. بعد يومين لقيته بيكلمني يقولي في دور حلو أوي قالي بس كلمي المخرج وأفهمي منه.. ووافقت وأنا كنت في ساعتها في أشد الاحتياج أني اشتغل.. اتفاجئت أنه اتبعتلي دور غير اللي قالي عليه.. ومكنش فعال ومليش لازمة في المسلسل.. كان ممكن تقول لأصحابك شغلوا مها.. رحت طبعًا واستغربت جدًا عايزة أكلمه.. كنت قولي إنه دور كومبارس ومش هزعل منك.. مكنش لازم أشحت كويس إنكم مترجمنها على إنها شحاتة رغم أني كنت مترجماها على إنها سعي".