مصطفى درويش عن مها أحمد: أختنا وفضفضت التمسوا لها العذر

علق الفنان المصري مصطفى درويش عن الأزمة التي وقعت بين الفنانة مها أحمد والنجمين أحمد السقا وأمير كرارة، بعد هجومها عليهما، واتهمتهما بعدم الوقوف بجوارها عندما طلبت منهم المشاركة في أعمالهم الفنية.

مصطفى درويش كتب، على حسابه الخاص على موقع "الفيس بوك": "طبعا ضد كلام مها أحمد جمله وتفصيلا بس ملاحظ ان كله بقي بينزل صور للسقا وكراره ودعم وكده طبعا السقا وكراره دول ارجل خلق الله ومحدش في الوسط يختلف عليهم اللي يعرفهم واللي ما يعرفهمش، بس التمسو العزر لواحده قاعده في البيت مش بتشتغل وسيبك من ماديات وحال واقف ومصاريف وكده لا الشغل نفسه للممثل زي السمكه في المايه لما بيبعد عن الكاميرا التنفس بيروح ممكن يموت".

وتابع: "فا بلاش نخلص علي بعض علشان كلمه او بوست اتقال اه غلط ومش حلو وكل حاجه بس اختنا وفضفضت الدنيا متقومش وكله ياخد صف السقا وكراره ويدوس عليه، نتقي الله في بعض علشان في يوم ممكن اي حد يكون مكانها ومش عارف يشتغل والدنيا تضيق بيه حتي من اقرب الناس ليه".

وأضاف: "وانا والله ما ليا علاقه لا باحمد ولا كراره ولا اعرف مها بس انا من جمهورهم، وانا متاكد ان السقا وكراره نفسهم ملتمسينلها العزر علشان هما رجاله واخلاق وبيفهموا اعملو حساب الزمن يا جماعه، كفايه سلخ في مها احمد قدرو الظروف شويه والنبي مش عايز خناق في البوست. ده مع حد في كومنتات والنبي ما تتعبوني دي وجهه نظري مش اكتر".