محمد ممدوح: لما أخس مش حابقى أحمد عز

رد الفنان المصري محمد ممدوح على سؤال وجهه له الإعلامي شريف عامر، خلال استضافته في برنامج "يحدث في مصر" على قناة MBC مصر، عما إذا كان ينوي أن يخسر المزيد من وزنه

شريف عامر قال ل ممدوح: "ناوي تخس تاني؟ ولا بتقول الناس حاباني وأنا تايسون"، فرد الفنان قائلا: "حاشوف، معنديش مانع.. وأنا برضه لما أخس مش حابقى أحمد عز.. لو جالي دور واقتنعنا أنا والمخرج إني محتاج أعمل كده حاعمل كده حالا."

وكشف أن الفنان يحيى الفخراني نصحه ان يخسر وزنه، بقوله: "الفنان يحيى الفخراني ليه بعد ربنا سبحانه وتعالى فضل كبير في موضوع إني أخس.. قال لي خس عشان صحتك مش عشان التمثيل، وأنا قلت له ممكن الفرق يبقى طفيف بس حتشوف الفرق".

وأضاف: "وقال كلام جميل جدا على مسلسل قابيل، وكلمني كمان وإحنا بنعمل زيزي، وبعدها كلمت كريم قلتله فركش خلاص متعملش الحلقة الأخيرة".