جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

تعرف علي وصية سمير غانم لرامي رضوان و حسن الرداد قبل وفاته

الخميس 20 مايو 2021 | 05:53 مساءً
علاء على
1149
دلال عبد العزيز وسمير غانم

رحل عن عالمنا منذ قليل الفنان سمير غانم بعد صراعة مع المرض عن عمر يناهز الـ 84 عاما، ونكشف خلال السطور التالية وصية الفنان الراحل التي اوصي بها الفنان حسن الرداد، و الاعلامي رامي رضوان، زوجي ابنتيه ، حيث كشف غانم عن وصاياه لهما، قبل زواجهما من ابنتيه دنيا وإيمي، قائلاً: «مخدناش وقت في الردّ على رامي رضوان، لكن خدنا وقت في الردّ على حسن الرداد لأنّ إيمي كانت مُتَردِّدة، وتروح وتيجي وبعدين تسمع كلام في البرامج عن شائعة زواجهما قبل الزواج لحد لما بقى الزواج حقيقة».

وأضاف سمير غانم خلال أخر لقاء له مع الإعلامية وفاء الكيلاني في برنامج «السيرة»: «وصيت حسن في فرح إيمي، وقولتله كلمة في ودنه، مش هوصيك عليها، فقالي دي في عينيا، ورامي كان لذيذ في إن دنيا عملت فرح فني، وحضروا أغنية هما الاتنين مع أصدقائهم، وملحقتش أوصيه لأني اتخلمت، كنت لابس بدلة وأنا مش بحب ألبسها، كانوا فاكريني العريس».

واشار الي ان : «حسن إنسان حقيقي يتحط على الجرح يطيب، ومش بلحق أقعد معاه كتير لأنه مشغول شوية، وغير شغله مامته تعبانة شوية، ورامي برنس، ومفيش فيه ولا عيب، وعنده أب وأم يجننوا يتحطوا على الجرح يطيب».

وواصل: «إيمي ودنيا عاقلة جدا وحنينة جدا، ولما اتجوزت دلال محدش وصاني، ولا هي بردو حد وصاها، بس قولتلها خليكي حنينة عليا، وما شاء الله شالت الشيلة».