إيهاب فهمي ينتهي من تصوير مشاهده في آل هارون

كشف الفنان إيهاب فهمي عن انتهائه من تصوير مشاهده في فيلم آل هارون، مشيرا إلى أن يوم التصوير الأخير بالنسبة له شهد تواجد جميع نجوم الفيلم، لأنه يعتبر من الديكورات الرئيسية، في العمل الفني .

وقال فهمي، إن من أبرز الصعوبات التي تواجه أي ممثل في تناول أي دور هو الاختلاف، إنك أنت إزاي تعمل دور بشكل مختلف، تعمل دور فيه عناصر الشخصية اللي بتقدمها، متبقاش فيها نوع من أنواع، زي ما بيقولوا الشبيهية، إن أنت شبه حاجة، ودي الصعوبة اللي ديما بجد أن أي ممثل فيها، إنه إزاي يعمل دور مختلف، ياعنى لو كان طيب يبقى طيب بشكل مختلف

وأضاف فهمي، الشخصية التي أقدمها في فيلم آل هارون، تدعى "حسين" ونقدر نقول عليه مدير بنك وراجل مسئول، وشخصية مهمة، ومختلفة تماما عن شخصيتي في الحقيقة، وفيه ٣ أبعاد في الدراما، البعد الاقتصادي، والبعد الاجتماعي، والبعد السياسي، اللي هو البيئة اللي بتنشأ فيها، عايش فين وهكذا، ودي من الحاجات اللي لازم يحطها الممثل قدامه لما بيتناول أي شخصية، يشوف شكله إزاي، بيتكلم إزاي، هيمشي إزاي، لو ضحك إزاي، لو غضب إزاي، لو خاف إزاي، وأعتقد المنطقة اللي ممكن تبقى مشتركة بيني وبين "حسين" هو الإنسانيات.

وتابع: "صعوبة التمثيل إنك إزاي تعمل نفس السلوك للشخصيات اللي بتقدمها بس بشكل مختلف، ياعنى تعمل شخصية شريرة في أكثر من عمل، محمد مثلا، بس محمد هنا ومحمد هنا، مختلفين والاتنين بيتصرفوا بطريقة مختلفة، ياعني تعمل نفس السلوك بس بطريقة مختلفة"، مشيرا إلى أن أهم ما يميز الشخصية التي يقدما في آل هارون، هو أنها رمانة الميزان أو الحدث، ياعنى فيلمنا ده بتحصل فيه مصيبة بسبب الشخصية دي، اللي هو لولا تصرف حسين يمكن كانت الأحداث مختلة

وأشار فهمى ، إلى أنه من مدرسة" لزمة الإحساس" زي ما بسميها، مش لزمة الكلام، الصعب إزاي تخلي الشخصية الجبنة مثلا تظهر على الشاشة، لأن الكلام سهل، فإزاي تعمل لزمة جو نرفك باين على الشاشة، وسهل تثبت كلمة أو تعمل كلمة ذات تون لكن الصعب هو لزمة الريأكشنات، وأسعى جاهدا إلى تقديم الأفضل، متابعا: "عمري ما كنت راضي على نفسي ولا هرضى، وطول الوقت عايز أقدم الأحسن وبجتهد وربنا يوفقنا، وأعتقد شخصية حسين هتعجب الجمهور، والفيلم كله الحقيقة".

فيلم "آل هارون" أحد أبرز الأعمال الفنية التي يجري تصويرها حاليا على الساحة الفنية، ويشارك في بطولته نخبة كبيرة من النجوم، بينهم الفنان منذر رياحنة، وإيهاب فهمي، وأحمد وفيق، وعبير صبري، وأحمد عبد الله محمود، ومحمد عز، وهاجر الشرنوبي، ويارا نور الدين، والفنان حمدي هيكل وغيرهم، كما يضم العمل مجموعة من ضيوف الشرف.

والفيلم من تأليف أحمد أنور ومحمود جاميكا، ومن إخراج معتز حسام، ومن إنتاج شركة مومنت برودكشن