شاهد.. أبناء نادية العراقية يحتفلون بعيد ميلادها بورد وسوشي

حرص أبناء الفنانة الراحلة نادية العراقية على الاحتفال بذكرى ميلادها، بأن قاموا بزيارتها وأحضروا معهم باقة ورد وأكلة "سوشي".

مي محروس، ابنة نادية العراقية، نشرت صور لشقيقها أدهم وهو يجلس إلى جوار القبر، ومعه باقة ورد وأكلة "سوشي"، وهي الأكلة المفضلة لوالدته الراحلة.

ووجهت رسالة مؤثرة لوالدتها، بقولها: "ماما أول عيد ميلاد ليكي متبقيش جنبنا ومعانا أكيد أنتي دلوقتي في الجنة ومبسوطة مع الملائكة وتيتا وجدو وأخواتك.. كان نفسي أقولك كل سنة وأنتي طيبة وأبوسك وأحضنك وأعملك مساچ زي ما كنتي بتحبي".

وأضافت: "والله يا ماما أنا مش مستوعبة إنك خلاص مشيتي وسبتينا من غيرك اتكسرنا من غيرك يا أمي أنا فعلاً مش قادرة أعيش من غيرك أنا عايزاكي وعايزة أشوفك بس عارفة أنه مينفعش لأنك عند ربنا الرحمن الرحيم وأكيد مبسوطة.. شكراً يا ماما على كل لحظة عشتيهالنا وعلى كل لحظة ضحكتينا وطبطبتي علينا أنا بحبك أوي بجد يا روحي.. دايماً كنتي بتحمينا و حتى لما مشيتي بتحمينا".

وتابعت: "أنا بحس بيكي حواليا وبحس بأنك بتطبطبي علينا الحمدلله ربنا مصبرنا بس احنا موجوعين أوي يا ماما محدش فينا مستوعب احنا حاسين أنك مسافرة زي كل مرة وراجعة تاني وسطنا".

وتابعت: "عمري ما كنت اتخيل أني هكتب كده و لا اني هحس الاحساس الصعب ده كنت دايماً واثقة انك هتفضلي عايشة و ربنا هيفتكرني قبلك بس ربنا أراد حاجة تانية الحمدلله، ماما الله يرحمك و يكرمك بجنته وسامحيني على أي حاجة كل سنة جاية وأنتي في الجنة وبين أيدين ربنا بحبك وتعاليلي في الحلم أشوفك".