ريم البارودى عن ارتباطها: "المجتمع الشرقي بيرفض الحاجات اللي زي دي"

أعلنت الفنانة ريم البارودى مؤخرا ارتباطها بأحد رجال الأعمال، إلا أنها رفضت تماما الإفصاح عن هويته أو التصريح عن أى تفاصيل لتلك العلاقة، بل أكدت في إحدى لقائتها التليفزيونية، قائلة: "مش هقول دلوقت.. وإحنا عندنا المجتمع الشرقي بيرفض الحاجات اللي زي دي.. لما يبقى في حاجة حقيقية هقول".

على صعيد آخر تحدثت ريم البارودي عن الأزمات التي مر بها مسلسل "كله بالحب" الذى شاركت فيه البطولة مع زينة وأحمد السعدنى وصابرين، فقالت: "إحنا اتعودنا بالذات في الدراما إن دايما بيبقى فيه مشاكل، بس المرة دي المشاكل كانت على الملأ.. عرفنا الحمد لله إن إحنا نتفادى المشاكل، لأن كان فيه مشاهد كتيرة قوي كنا محتاجين وجود أحمد السعدني، لكن كل شيء نصيب.. إن شاء الله العرض التاني في وقت ميبقاش رمضان، الناس تشوف، كلنا تعبنا وكلنا اجتهدنا في وقت صعب زي كورونا، وكنا بنشتغل في أماكن صعبة جدا، وإن شاء الله اللي مشافش المسلسل يشوفه وإن شاء الله هيعجبه".