ناهد السباعي تكشف تفاصيل تعرضها لأزمة صحية شديدة

كشفت الفنانة المصرية ناهد السباعي تفاصيل أزمة صحية شديدة تعرضت لها مؤخرا، ولم تستطع التعرف على طبيعة مرضها.

ناهد السباعي كتبت، على حسابها الخاص على موقع "انستجرام": "شكر واجب لمستشفي السلام.. مستشفي علي أعلي مستوي من المهارة و الكفاءه والخبره و الضمير.... من حوالي اسبوع تعبت جدا وجع شديد يشبه وجع انفجار الزايده و المرارة روحت اقرب مستشفي كشفوا عليا و عالجوني و ادوني محاليل و ادوية غلط و روحوني البيت فضلت تعبانة و سخنت احساس صعب قوي انك تبقي موجوع و تعبان و محدش عارف عندك ايه".

وأضافت: "روحت لدكتور سمير چورچ دكتور باطنة بعتني فورًا لمستشفي السلام لدكتور ماهر ويليم دكتور جراح و رغم انه دكتور جراح لكن لا يفضل الجراحة و بيخليها اخر حاجة بعد ما يعمل كل المحاولات.. اما بالنسبة لطاقم التمريض فهم علي اعلي مستوي من الكفاءة و الخبرة.. شكرًا دكتور الباطنه سمير چورچ احسن دكتور باطنة في مصر".

وتابعت: "شكرًا دكتور الجراح ماهر ويليام شكرًا دكتور نساء شريف باشا سيف انا بفتخر بمعرفتك من اكتر من عشرين سنة @sherifbashaseif شكرا دكتور ديڤيد شكرا دكاترة الطواريء شكرا لرئيسة قسم التمريض لبني.. شكرًا لكل الممرضين بجد و الممرضة اشجان بفضل الله الشافي و فضلكم انا احسن دلوقتي الحمد لله كثيرًا".