إيمي سمير غانم توجه رسالة مؤثرة لوالدها الراحل

وجهت الفنانة المصرية إيمي سمير غانم رسالة مؤثرة لوالدها الراحل الفنان الكبير سمير غانم، وذلك على حسابها الخاص على موقع "انستجرام".

إيمي نشرت صورة لسمير غانم وصورة لشخصية "فطوطة"، التي اشتهر بتقديمها، وعلقت قائلة: "يا حبيبي بحبك يا اطيب راجل في العالم.. ربنا يرحمك يا بابي و تكون في الجنه انشاءالله".

وأضافت: "علي قد طيبتك و قلبك الابيض ربنا يغفرلك ، و يطمنا عليك و تكون سعيد و مرتاح زي ما دايما كنت بتخلينا مبسوطين و عمرك ما زعلت حد، حتي اللي كان يجي عليك كنت بتسامحه في وقتها و عمرك ما كلمت حد بطريقه وحشه ابدا ابدا، و دايما شايل هم كل اللي حواليك و حتي اللي بيشتغلوا معاك واحد واحد عارفين جمال شخصيتك و طيبتك".

وتابعت: "أنا و دنيا عمره ما زعق لينا ولا كلمنا بطريقه تخوف حتي واحنا اطفال ( راجل طيب طيب طيب اوي😢😢😢) يارب اشوفك تاني .. اللَّهُمَّ إِنَّ سمير ابن فتحيه فِي ذِمَّتِكَ، وحَبْلِ جِوَارِكَ، فَقِهِ مِنْ فِتْنَةِ القَبْرِ وَعَذَابِ النَّارِ، وأَنْتَ أهْلُ الوَفَاءِ والحَقِّ، فاغْفِرْ لَهُ، وارْحَمْهُ، إِنَّكَ أَنْتَ الغَفُورُ الرَّحِيمُ".