جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

أحمد فلوكس بعد تأييد حبسه سنة: "اللي بيعمل حاجة بيدفع تمنها"

السبت 19 يونية 2021 | 09:49 مساءً
مريم الجارحى
453
احمد فلوكس

علق الفنان أحمد فلوكس على الحكم الصدر ضده بتأييد حبسه سنة بتهمة سب وقذف سيدة الأعمال ياسمين عزت، وذلك في القضية رقم 521 لسنة 2021 جنح اقتصادية، والمقامة من المحامي أحمد الجندي، وكيلا عن المجني عليها.

وقال فلوكس خلال اتصال هاتفي ببرنامج “حضرة المواطن” تقديم سيد علي: “مش عارف ده ليه بيحصل معايا، لكن لا تعقيب على أحكام القضاء”، موضحًا أن لديه قضيتين مرتبطتين ببعض، واحدة تم حفظها، والأخرى صدر الحكم فيها اليوم.

وتابع: “الإعلام ليس لديه خلفية عن القضيتين، لأني أخذت عهدًا على نفسي ما تكلمش في أموري الشخصية”.

وعن تأييد حبسه عامًا قال: “لسه مش تأييد حبس، هناك درجات تقاضٍ أخرى، أنا مش محبوس أنا في بيتي هي حملة موجودة عليا ولا شك كلها حبس”.

وعن أزمته مع ياسمين عزت قال: “مفيش بيني وبينها قصة مش فاضي ليها ولا غيرها، أنا راجل معول رجعت لزوجتي وابني، عندي مسؤوليات، راجل مش فاضي، مش بحب المحاكم، أنا ابن ناس أهلي مربيني وأبويا وأمي تعبوا عليا”.

وأكد: “علاقتي بكل الناس طيبة جدًا مش بسعى لشهرة مش محتاجها ولا عاوزها، هي مش مذيعة، وهي قضية شخصية مش هتكلم فيها دلوقتي، اللي عاوز يعمل شر بيعمله، ربنا كبير مش راضي لظلم حد، مش أنا اللي بجري للشر والقواضي، أنا أبويا وبيتي وأمي علموني كده، واللي بيعمل حاجة بيدفع تمنها”.