جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بالفيديو.. رسالة قوية من رامي جمال لـ أمهات مرضي البهاق

السبت 26 يونية 2021 | 08:06 مساءً
علاء علي
289
رامى جمال

شارك المطرب رامى جمال جمهورة و متابعية بفيديو جديد عبر صفحته الخاصة بموقع تبادل الصور و الفيديوهات"إنستجرام"، تحدث خلاله عن تجربته مع مرض "البهاق" الذي أصابه منذ فترة.

وقال رامي عبر الفيديو: "أنا مش بحب أتكلم في حاجة غير الفن، بس بتوصلني أسئلة كتير جدًا عن علاج البهاق، ودائمًا أرد عليهم في الرسائل الخاصة، أنا لم أعالج البهاق، ولكن أنا اتعالجت نفسيًا منه بدعمكم ليا".

وأضاف قائلًا: "كل الناس دعموني من أصدقائي في الوسط الفني، وأهلي، والبهاق طلع ميزة مش عيب، لأني شفت بسببه حب كبير، البهاق موجود في كل جزء في جسمي".

وأوضح رامي قائلًا: "زي ما أنتو شايفين البهاق مالي إيديا ووشي، وفي كل حتة في جسمي، وأنا زمان كان لو في نقطة في جسمي بقعد أراقبها، وكنت ببقى حزين جدا وزعلان، خصوصا إن كان في ناس في البداية فاكرينه معدي وكانت بتخاف تسلم، لكن الحقيقة البهاق مرض مناعي لم يجد في العلم حتى الآن علاج ليه".

وأنهى رامي الفيديو قائلًا:"أنا بوجه رسالة لأي أم ابنها عنده بهاق، حاولي تدعميه أنه يمتلك ميزة مش موجودة عند أي حد تاني، ووارد أن البهاق يكبر كمان في جسمه بس إيه المشكلة، أنا بشتغل مغني، وشكلي مهم جدا في عملي، وأنا مش شايف البهاق عيب، ومش بيهمني الناس اللي شايفه إن ده عيب، وربنا يعطي الناس كلها قدرة على تقبل الابتلاء".

View this post on Instagram

A post shared by Ramy Gamal (@ramygamalmusic)