إنجي خطاب تعلق على أزمة التسجيل المسرب لحما شيرين عبدالوهاب: الي جوه النفوس يخض

علقت الفنانة المصرية إنجي خطاب على تسريب صوتي المنسوب لحسين حبيب، والد حسام حبيب، خطة نجله للزواج سرا على المطربة شيرين عبدالوهاب وسرقة أموالها.

إنجي خطاب كتبت، على حسابها الخاص على موقع "انستجرام": "الي جوه نفوس الناس يخض والله شيرين وحماها اللي هو ابو حسام حبيب.. لما تبص ع الظاهر من برة تحس بكمية محبة بينهم وكأن بنت بتحضن ابوها".

وأضافت: "تيجي للباطن تلاقي ريكورد متسرب لحماها دة بيقول كلام ف حق شيرين مش حلو 🙄 الله اعلم الريكورد صح ولا غلط بس لو صح يبقي موضوع يخوف 😔 حقيقي سمعت الريكورد وببص للصورة دي وانا خايفة ومرعوبة ويمكن كنت قربت اعيط كمان بأمانة".

وتابعت: "اللي هو انا بتعامل مع ناس كتير اعرفهم وبحبهم مفيش حد مبحبوش خالص انا مبعرفش اكره .. وحقيقي انا خايفة يكون في حواليا ناس كدة 💔🥺 ف اتمنى ربنا يبعد عننا الناس اللي عاملة نفسها بتحبنا لكن من ورانا تتكلم عننا بالسوء وتعيب فينا بالرغم انهم مشافوش مننا غير كل خير 💔⁦🙏🏻⁩ اللهم رد كيدهم في نحورهم يارب".