جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

حسام حبيب يواصل رده علي نضال الأحمدية:أوعى تفتكرى إنى هخاف من استقصاءاتك

الثلاثاء 29 يونية 2021 | 10:17 مساءً
علاء على
631
حسام حبيب وشيرين

وجه المطرب حسام حبيب، رسالة جديدة إلى الإعلامية اللبنانية نضال الأحمدية، قائلا لها: "مصر بلد كبيرة وفيها قانون، وإنتى بتحاولى تتمسحى فيها وتجيبى سيرتها، وسيرة حاجات كتير أشرف وأكبر بكتير إنها تيجى على لسانك".

وأضاف حبيب، فى مقطع فيديو نشره عبر حسابه على إنستجرام، بعنوان "الرد على الشر.. 2"، قال فيه: "بلاش شغل التماحيك، عشان مصر بلد كبيرة وفيها قانون، وصدقينى الدنيا كلها عارفة يعنى إيه مصر، والدنيا كلها عارفة إن مفيش حق مصرى بيضيع.. أنا أول مرة أسمع عن أسلوب صحفى بتزقى فيه بنات يعملوا مكالمات مع ناس وتسميه صحافة استقصائية، ده اسمعه اتجار بالبشر، أنا منفتش.. لكن أنا أرجل وأنضف بكتير من إن أنفى، صوته أو مش صوته ميخصنيش، أنا يخصنى بيتى ومراتى وعيلتى فقط، إنما انتى عاوزه تجرى ورا مين، ورا حد بالاسم يقربلى لكن بالفعل لأ وده اللى انتى عارفاه كويس، لا بدافع عنك ولا عنه".

وشدد حبيب قائلا: "أنا قررت إنى أواجه الحقيقة بشجاعة وهقول للإنسان الأعور انت أعور فى وشه، وأوعى تفتكرى إنى هخاف من استقصاءاتك".

View this post on Instagram

A post shared by Hossam Habib (@hossamhabib)