أميرة هاني تنعي دلال عبدالعزيز: بحب جيرتك اللي كنتي مخلصة فيها
نعت الفنانة المصرية أميرة هاني الفنانة الراحلة دلال عبدالعزيز، كاشفة أنها جارتها في السكن.
أميرة هاني نشرت صورة جمعتها بدلال عبدالعزيز وابنتها الفنانة إيمي سمير غانم، وعلقت قائلة: "انا من امبارح والله ما عارفة اكتب ايه!! البقاء و الدوام لله و انا لله و انا اليه راجعون، بس انا مش مصدقة ان انا مش هشوفك تاني يا دوللي، انت ام حقيقية حنونة لكل صحابك مش بس دنيا و إيمي".
وأضافت: "و كمان بحب اما انزل معاكوا نخرج او تطلعي نقعد ف البلكونة مكناش بنبطل ضحك، بحب نصايحك و بحب صداقتك ، و بحب جيرتك اللي قد ايه انتي مخلصة فيها لو عرفتي علينا الهوا كنتي بتفضلي صاحية انتي و ايمي متناموش غير اما تتطمنوا علينا".
واختتمت كلامها، بقولها: "لا حول ولا قوة الا بالله ربنا يرحمك و يغفرلك و يدخلك الفردوس الاعلي بدون سابقة عذاب او حساب و ربنا يصبر دنيا و إيمي و يصبرنا علي فراقك اللي مش قادرة استوعبه #دلال_عبد_العزيز ♥️ مع السلامة يا حبيبة قلبي انتم السابقون و نحن اللاحقون".