أسما شريف منير تستعيد ذكريات حلقتها مع دلال عبدالعزيز: اتعلمت منها حاجات كتير

استعادت الإعلامية المصرية أسما شريف منير ذكريات حلقتها مع الفنانة الراحلة دلال عبدالعزيز في برنامج "أنا وبنتي".

أسما شريف منير نشرت مجموعة صور من كواليس الحلقة، على حسابها بموقع "انستجرام"، وعلقت قائلة: "في الحلقة دي اتعلمت حاجات كتير عن الصداقة، الله يرحمها كانت صديقة بمعني الكلمة، و عرفت عنها قد ايه هي صاحبة واجب، مفيش عزاء مكنتش فيه، و عشان كده عزاءها كان مليان بناس بتدعيلها و بتحبها بجد مش واجب و خلاص".

وأضافت: "سيرتها طيبة و ده واضح جداً للكل، بناتها شبهها طيبين، كانت زوجة و ام عظيمة و ست جميلة و كل الناس بتحبها..و ده كلنا عرفنا من كل الفيديوهات و كلام كل الناس عنها، كلنا هنمشي دي الحقيقية الوحيدة، لازم نفكر هنسيب ايه لما نمشي او ازاي ممكن الواحد يسيب سيرة طيبة عشان الناس تدعيله".

واختتمت كلامها بالدعاء للفنانة الراحلة، بقولها: "اللهم أرحم تلك النفس الطيبة التي فارقت الدنيا وأنتقلت إلى جوارك اللهم اجعلها في الفردوس الأعلى من الجنة ربنا يصبر الاهل كلهم لانه وجع رهيب و وقت قصير، اختبار بجد صعب، ربنا يجبر بخاطرهم".