حمادة هلال: ربنا ينجح كل طلبة الثانوية العامة ويراضي أهلهم

دعا الفنان المصري حمادة هلال بالنجاح لكل طلبة الثانوية العامة، وطالبهم بطمئنته على نتائحهم.

حمادة هلال كتب، على حسابه الخاص على موقع "تويتر": "ربنا ينجح كل طلبة #الثانوية_العامة و يراضيهم و يراضي أهلهم و يعوض تعبهم خير ، إطمنوا و ابقوا طمنونا".

وكان الفنان حمادة هلال قد كشف مؤخرا عن نتيجة الثانوية العامة التي حصل عليها، من خلال مقطع فيديو بعنوان "نتيجة الثانوية العامة"، على حسابه بموقع "إنستجرام"، حيث قال: "كل سنة وأنتوا طيبين وحشتوني، لكل طالب في الثانوية العامة حبايبي وأصحابي اللي موجودين معايا، عايز أقولكم إن شاء الله ربنا يكرمكم وتفرحوا فرحة كبيرة، وتجيبوا أحلى نتيجة اللي أنتوا نفسكوا فيها".

وأضاف: "عايز أوجه كلمة للأهالي، سيب ابنك يفرح ومتقارنهوش بحد، لأنه هو عارف نفسه كويس، يعني كان زمان أهلي عندهم جملة بيقولولهالي، وده الرقم اللي بكرهه في حياتي 55%، دايما يقولوا يارب تجيب 55%، لغاية ما ربنا كرمني واجتهدت وجبت 59%، وعرفت أعرفهم أنا مين، إن شاء الله ربنا هيكرمكم، وانتظروا مفاجأة حلوة".