جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

حمو بيكا يهاجم منتقديه: عمري ما أنكرت إني مش متعلم

الخميس 19 اغسطس 2021 | 11:42 صباحاً
سارة إبراهيم
767
حمو بيكا

هاجم مطرب المهرجانات حمو بيكا منتقدي تهنئته لطلاب الثانوية العامة، وتنمرهم عليه لكونه غير متعلم.

حمو بيكا كتب، على حسابه الخاص على موقع "الفيس بوك": "بتقولو عني جاهل ومش متعلم .. مع ان دي حاجة انا عمري ما انكرتها ولا حتي خبيتها علي الناس ومن يوم ما ربنا كرمني واتشهرت وبقي ليا جمهور.. بس هرجع واقولكم تاني انها حاجة مكنتش بايدي".

وأضاف: "انت بقي يا "متعلم " التعليم علمك انك تقعد تعاير الناس بعيوبها؟ التعليم علمك ان تفضل تتنمر علي خلق الله ؟ التعليم علمك انك مباح ليك الشتيمه في حد هو اقل منك في شئ؟ اكيد لا فمتجيش من ورا شاشه وكيبورد تعمل فيها عم الناصح وانت اصلاً موركش حاجة تعملها ! ".

وتابع: "انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترم الكبير والصغير .. اتعلمت اشقي واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك مهتتعلمها طول ما انت باصص للناس ..! ".

واختتم كلامه، بقوله: "فكر في كلامك كويس وكومنتاتك كويس قبل ما تكتبها وقبل ما تقول انك متعلم افتكر انك في "تربيه وتعليم" يعني التربيه قبل التعليم ❤️".