جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

مجدي الهواري يكشف سرا عن مشهد "حاولت أعمل حاجة صح" في فيلم "الباشا تلميذ

الاحد 22 اغسطس 2021 | 01:17 مساءً
سارة إبراهيم
460
مجدي الهواري

بعد مرور ما يقرب من 17 عاما على عرض فيلم "الباشا تلميذ"، كشف مخرجه مجدي الهواري سرا عن مشهد الفنان محمد رجب، وهو يقول لكريم عبدالعزيز "حاولت أعمل حاجة صح".

مجدي الهواري كتب، على حسابه الخاص على موقع "الفيس بوك": "في يوم من الايام وانا بعمل فيلم الباشا تلميذ جالي محمد رجب وقالي نفسي تغير نظرت الجمهور لي في ادوار الشر اللي بعملها ! مرة مغتصب . ومرة اتهجم ع البطلة 🤦🏻‍♂️. وديما ضدد البطل اللي بتحبه الناس ! هل انا هفضل طول حياتي كده مكروووه !".

وأضاف: " شوف ياريس انا هعمل الفيلم وهلعب الدور ده ، لكن كان نفسي تشوفني في حاجة تانية غير دور الشرير ده ، وكان نفسه يلعب دور حمزه اللي عمله رامز جلال . بصراحة صعب علي .. قولتله لا اعمل دور طارق كابو في #الفيلم ده وهنخليك تعمل حاجة صح يارجب ! وسكت وسمع الكلام الصراحة . لكن فضل طول الفيلم يسألني مش هتنفذ وعدك لي .. انا اقوله عيب ياحماده انا وعدتك انك تعمل حاجة صح 😅' ومش فاهم حاجة !! يضحك ويسكت ويقولي ماشي انا واثق فيك 😅".

وتابع: "وخلص الفيلم وهو يأس تماماً لدرجة انه مبقاش حتي يسألني ، لاحد ماجيت في اخر مشهد قولتلهم هاتوا محمد رجب تصوير مشهد الفينال وجه فعلاً وهو والله مش عارف جاي ليه !! في مشهد هو مش فيه اصلاً !! وفجأة قولتله محمد انت هتنزل من هنا وتضرب لبسيوني تعظيم سلام وتقوله ( حولت اعمل حاجة صح ) مكنش مصدق نفسه لانه ده مكنش مكتوب في السناريو ولا حد كان يعرف .. وكانت مفاجأة للجميع وللجمهور كمان 🤗 ان يطلع طارق كابو هو اللي ساعد البطل 🤩😎".

واختتم كلامه، بقوله: " مشهد فارق في حياة محمد رجب مع الناس الي الان .. و غير من بعدها جلده من شرير الفيلم الي ادوار كلها طيبة وحنية 😜😂 وبقي بطل كمان الي الان افلام ومسلسلات كمان . من اصل المشهد ده ! سبحان الله علشان نيته حلوة 🙏 تفوت الايام واعمل نفس الراكشن وكاني بقول تاني بعد 16 سنة حاولت اعمل حاجة صح 😅😜 وان شاء الله تصبح المسرحية علامة فارقة في cv كل من شارك فيها 🙏🙏 . بالطاقة الجميلة اللي عند كل ابطالها ماشاء الله زي ما كان عند كل من شارك في #فيلم #الباشا_تلميذ ♥️".