بعد اتهامها بإهانتهم.. أهالي بنها يدافعون عن منى زكي: ده مدح مش ذم
تعرضت النجمة المصرية منى زكي لاتهامات من بعض أهالي بنها بأنها أهانتهم، وذلك بعد حديثها عن أن زوجها الفنان أحمد حلمي من بنها ولكنه متفتح وأهله كذلك، ولم يعترضوا على زواجه من ممثلة، وذلك خلال استضافتها في برنامج "صاحبة السعادة".
إلا أنه على الجانب الآخر، دافع عنها عدد كبير من أهالي بنها، مؤكدين أنها قصدت بكلامها أنهم مدينة محافظة وتتمسك بالعادات والتقاليد، ولم تكن تتصور أن يوافق أهل زوجها أحمد حلمي على زواجه منها باعتبارها ممثلة.
فقد كتبت إحدى المتابعات من أهل بنها: "بطلوا كلام فاضي الست كانت بتتكلم بمنتهى التحضر والأدب والتلقائيه واحنا أهل بنها بنحبها جدا جداااااا"، ورد آخر: "هى فعلاً كل اللى كانت تقصده إن أهل بنها محافظين".
وكتبت متابعة أخرى: "هي قالت ايه غلط ؟ قالت كنت فاكرة اهله مش هيوافقوا عشان من بنها لكن طلعوا منفتحين ووافقوا على ممثلة .. معنى كلامها ان بنها شعبها محافظ و ملتزم ومش اي حد طبعاً يقبل ممثلة لكن اهله طلعوا متفتحين يعني ممكن يقبلوا اي حد".
وكتب آخر: "علي فكرة هي ماغلطتش انتوا اللي فاهمينها غلط ركزوا في الكلام.. هي قصدها انهم اكيد هيبقوا متحفظين بدليل انها قالت ممكن مايوافقوش علي جوازنا لان انا ممثلة.. هي ماقللتش منهم بالعكس.. هي تقصد البيئة مختلفة هي من عيلة منفتحة وهو من عيلة محافظة ده المقصود ده مدح مش ذم".
