شاهد.. تامر فرج ينشر صورة طريفة مع فراس سعيد: الصداقه هى أن تجد من يشبهك
نشر الفنان المصري تامر فرج صورة طريفة جمعته بصديقه الفنان فراس سعيد، وذلك على حسابه الخاص على موقع "انستجرام".
تامر فرج كشق سر صداقته بفراس سعيد، بأنهما يشبهان بعضهما في الطرافة، حيث علق قائلا: "الصداقه هى: ان تجد من بشبهك !!! #حكم_ماجد_الألفى #تامر_فرج".
وكان الفنان المصري تامر فرج قد رد مؤخرا على الانتقادات التي تعرض لها بعد انتشار مقطع فيديو رومانسي جمعه بزوجته.
تامر فرج أعاد نشر الفيديو، على حسابه الخاص على موقع "انستجرام"، وعلق قائلا: "ادى أخرة اللى يحب مراته.. بيتفضح فى بوستات الغير😁 بلوجر معروفه نزلت الفيديو ده وعمل ضجه عندها وطبعا كان فيه تعليقات ظريفه و فى تعليقات من نوعية: المحن- ده تمثيل- تلاقيها مش مراته- مش لازم يعنى قدام الناس ما يعملوا كده فى بيتهم- تلزيق قوى- عيب كده قدام الناس وهكذا".
وأضاف: "انا طبعا ما تضايقتش ومش بكتب البوست ده عشان اهاجم حد او ارد على حد... انا بس انتهزتها فرصه انى اشرحلكم اسلوب حياه اتمنى تنفذوه فى حياتكم.. أنا لا أجد اى حرج فى التعبير عن مشاعرى لزوجتى فى اى وقت خاصة اننا كنا فى مكان خاص الناس بتروحه عشان تنبسط بعيدا عن القيود فى أماكن أخرى".
وتابع: "انا مش بدافع عن نفسى انا بس بشرح برضه انى مش بدعو الى التعبير عن المشاعر الخاصه فى اى حته وبأى طريقه .. لكل مقام مقال برضه... انا بدعو انكم تفرحوا وتنبسطوا وماتخافوش من لوم او حسد .. لأن الوضع بقى سئ قوى فى حياتنا وكله قبح و موجات سلبيه".
وأكمبل: "عشان كده لو عندك حاجه حلوه وجميله قدمها للناس وماتخافش حسد او لوم... عشان نعادل شويه نسبة القبح اللى حوالينا... ادى للناس أمل بدل اليأس اللى خانقنا.. الواحد بقى يخبى الحلو اللى عنده خوفا من الحسد او اللوم ويجى فى الوحش يطلع على السوشال ميديا يهرينا بوستات وعياط ويأس لحد ما يسود الدنيا فى وشنا".
واختتم كلامه، بقوله: "صدقونى البوستات السلبيه دى والكلمه القبيحه ممكن بجد تخلى واحد لا تعرفه ولا يعرفك ينتحر... وكلمه حلوه وكلمة تشجيع ممكن حتى تكون بتقولها ذوقيا و ماتقصدهاش ممكن تغير حياة بنى آدم... جدتي كانت بتقولى الكلام الزين يسد فى الدين... والرسول عليه الصلاة والسلام قال تفاءلوا بالخير تجدوه... وقانون الجذب بيقولك اديها ميه تديك تراوه".