بسبب الأهلي والزمالك.. عبدالرحيم كمال يعبر عن استيائه من الإعلام الرياضي: عايزين تثبتوا إيه؟
عبر الكاتب والسيناريست عبدالرحيم كمال عن استيائه الشديد من الإعلام الرياضي في مصر، منتقدا طريقة تناولهم لأزمة الأهلي والزمالك الأخيرة، بعد فوز الزمالك بالدوري.
عبدالرحيم كمال كتب، على حسابه الخاص على موقع "تويتر": "يعني هو كبار ورجال إعلام النادي الأهلي وكبار ورجال إعلام نادي الزمالك عايزين في الآخر خااااالص يثبتوا ايه بجد؟؟ إن الأهلي نادي عظيم والزمالك لا ولا إن الزمالك هو العظيم الحقيقي و الاهلي لا ؟ والا الاهلي هو ال حلو والزمالك الوحش ولا الاهلي سكر والزمالك كخة ؟؟؟".
وأضاف: "ولا الزمالك شريات والاهلي وحش ؟؟؟؟ إيه الطموح بجد ؟؟ إيه الهدف؟ فين النقطة؟ فين الرجل الرشيد؟؟ ليه التنابز بالالقاب والتطاول يعني ؟؟؟ خلاص يا عم الاهلي جميل خلاص يا سيدي الزمالك عسل ايه المعركة الوهمية العبثية اللي ملهاش تلاتين لازمة دي ؟؟؟؟؟".
واختتم كلامه، بقوله: "مبروك للزمالك الدوري ومبروك للاهلي كل البطولات اللي قبلها وفرقتين كورة هيكملوا لعب ويكسبوا ويخسروا و جمهور طيب يشجعهم وخلاص؟؟ فين المشكلة فين القصة ؟؟ ما كل هذا الكم من العته والبلاهة وسوء الأدب وقلة القيمة ؟؟؟؟".