حسن الرداد ينشر صوره أثناء تسلم تكريم سمير غانم ودلال عبدالعزيز من مهرجان الفضائيات
نشر الفنان المصري حسن الرداد مجموعة صور له أثناء تسلمه تكريم حماه الراحل الفنان سمير غانم وحماته الراحلة الفنانة دلال عبدالعزيز، من مهرجان الفضائيات العربية.
حسن الرداد أرفق الصور التي نشرها، على حسابه الخاص على موقع "انستجرام"، بقوله: "من تكريم مهرجان القنوات الفضائية لأسطورة الكوميديا #سمير_غانم و النجمة الغالية #دلال_عبد_العزيز 🌹".
وكان الفنان المصري حسن الرداد قد حرص على حضور مهرجان الفضائيات العربية لتسلم تكريم حماه الراحل الفنان سمير غانم وحماته الراحلة الفنانة دلال عبدالعزيز، بينما تغيبت ابنتيهما دنيا وإيمي سمير غانم.
وألقى حسن الرداد كلمة مؤثـــرة أثناء تسلم التكريم، حيث قال: “في البداية عايز أبلغ حضراتكم اعتذار إيمي ودنيا إنهم ماقدروش ييجوا، وبوصل شكرهم وامتنانهم لإدارة المهرجان على التكريم”.
وأضاف: “طبعا أنا كنت أتمنى أكون حاضر النهاردة والأستاذ سمير النجم الكبير ومدام دلال يكونوا بيستلموا الجايزة، وأكون أنا قاعد وسط حضراتكم، بس الحمد لله على كل شيء”.
واختتم كلامه، بقوله: “عايز أقول إن أنا بالنسبالي حمايا العزيز الأستاذ سمير غانم، وحماتي وأمي مدام دلال عبد العزيز، هما نموذج للفنان اللي أنا أتمنى إن أنا أوصل زيهم وأخد نفس المكانة بتاعتهم في قلوب الناس، وده نتيجة كل الحب اللي فعلا الواحد لمسه من الجمهور في الفترة اللي فاتت دي من سؤالهم، سواء على السوشيال ميديا أو اهتمامهم بينا”.