محمد عطية: بقيت أوفر طاقتى وما احرقش دمى عشان اقنع حد بحاجة

كشف الفنان المصري محمد عطية أنه تأثر بكتابات الكاتب البريطاني برتراند راسل.

محمد عطية كتب، على حسابه الخاص على موقع "انستجرام": " من أكتر الناس اللى إتأثرت بيهم فحياتي و كانوا نقطة تحول فى تفكيرى هو البريطاني برتراند راسل … قبل ما أقراله كان عندى وجهة نظر في الدنيا ضيقة و محكومة بعادات و تقاليد و مواريث أغلبها قناعات لناس في القبور".

وأضاف: "في مقولة ليه بتقول ( من المفيد أن نضع علامات استفهام بين الحين والأخر على الأمور المسلـّم بها) … المقولة دى خدتها و فضلت معايا طول الوقت … من خلالها بقيت متصالح اكتر مع فكرة إن أى رأي أو قناعة أنا واصلها أو وصلتنى مش لازم أستموت في الدفاع عنها أو حتى أحاول أقنع حد بيها لأن اما برجع أبص لنفسي من عشر سنين وأقرا حاجة كنت مؤمن تماما إنها صح و ألاقي نفسي دلوقتى أنا ضدها تماما".

وتابع: "بحس إن فعلا لازم أتصالح مع فكرة إنى عادي ممكن أطلع غلط و قناعاتى كلها غلط .. بقيت اوفر وقتى و مجهودى و طاقتى .. و ما احرقش دمى عشان اقنع حد بحاجة ..( كون المرء ليس متأكدا تماما هو على ما أظن أحد الأمور الضرورية للعقلانية )".

واختتم كلامه، بقوله: "اللي مهتم بأفكار الراجل العظيم ده ممكن يبدأ بكتاب اسمه ( ما الذى أؤمن به ) .. كتاب بسيط و صغير عبارة عن مجموعة من محاضراته".