جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

محمد عطية: بسبب كلمة من حبيبتي قررت إن جسمى يبقى أحسن من دانيال كريج

الاثنين 11 أكتوبر 2021 | 01:17 مساءً
سارة إبراهيم
612
محمد عطية

كشف الفنان المصري محمد عطية عن السبب الذي دفعه للالتزام بالتمارين الرياضية والأكل الصحي، مما تسبب في تغير شكل جسمه للأفضل.

محمد عطية نشر صورة له من الجيم، على حسابه الخاص على موقع "انستجرام"، وعلق قائلا: "من سبع سنين كنت مرتبط ودخلت أنا واللى بحبها سوا سينما.. كان فيلم جيمس بوند و قاعدين ماسكين إيد بعض و فجأة طلع علينا مشهد لدانيال كريج و هو قالع لقيت اللي بحبها قالتلى ( يا لهوي على جسمه ) حسيت ساعتها إنى جلدة حنفية".

وأضاف: "وقتها لا كنت بهتم بجسمي ولا بأكلى .. فكلامها نزل على دماغى زى جردل مية ساقعة .. خرجت من السينما و أنا مقرر إنى لازم جسمى يبقى أحسن من دانيال كريج .. و بدأت أتمرن و أظبط أكلى و من ساعتها ما وقفتش … جايز البداية كانت سبب سطحى فى نظر البعض … بس أنا أكيد شايفه مش سطحى … حلو إلى جانب الإحترام و الحب المتبادل إن شكلك ظاهريا يبقى حلو فى عين اللى بتحبك و إنا بتحبها".

وتابع: "بعد ما إستمريت فى التمرين و الأكل الصحى .. لقيت الموضوع إنعكس بشكل إيجابى على كل جوانب حياتى … تركيزك و صحتك و طاقتك بتبقى أحسن بدخول الرياضة بشكل منتظم فى حياتك … أيًا كان السبب اللى ممكن يكون حافز ليك لتغيير إيجابى في حياتك .. إمسك فيه .. حتى لو كان محفز تافه جدا .. المهم النتيجة .. لأن فى الأخر إنت المستفيد … المهم إن بعد ماظبط جسمي بسنة ونص أنا و اللى بحبها سبنا بعض … كام نفسى ساعتها أقولها ( طب فلوس المكملات طيب .. راحت عالأرض ؟؟ )".

واختتم كلامه، بقوله: " بهزر أكيد .. فضلنا أنا وهى أصدقاء و أكيد هى بتقرا الكلام ده دلوقتي و فاكرة الموقف.. أي حد بيدخل فى حياتك حاول تاخد منه جانب إيجابى يحفزك على التغيير للأحسن ..الصورة دى النهاردة بعد تمرين و كارديو و تعب و عرق بقي شبه يومي فى حياتى … إتعب على أي حاجة إنت عاوزها عشان توصلها ".