جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

شاهد.. محمد عطية يرسم وشم يحمل حروف اسم والدته

الثلاثاء 12 أكتوبر 2021 | 04:46 مساءً
سارة إبراهيم
699
محمد عطية

نشر الفنان المصري محمد عطية صورة حديثة له، على حسابه الخاص على موقع "انستجرام"، استعرض خلالها وشم جديد رسمه على رقبته.

الوشم حمل حروف اسم والدته، والتي تدعى "سامية"، ولكن باللغة الإنجليزية، وعلق قائلا: "امبارح عملت رابع تاتو فجسمي … أكتر تاتو كان نفسي أعمله … ( سامية ) إسم أمى … أهم شخص فحياتي و الإنسانة الوحيدة اللى تستاهل يكون إسمها على جسمى ما يطلعش منه ".

واضاف: "أمى هى أقرب صديق ليا .. بتعرف تتقبلنى مع كل تغيير بيحصل في تفكيرى و فحياتى حتى لو مش متناسب مع أفكارها و تقاليدها و عادتها … أمى عرفت تعمل اللي أغلب الناس فى مجتمعنا فشلوا يعملوه … قدرت تفهم مقولة من اكتر المقولات اللى صعب الناس تعرف تطبقها و هى "لا تربوا أولادكم كما رباكم آباؤكم، فقد خلقوا لزمان غير زمانكم" … أمى عارفه كل أسرارى و ملجأ ليا في أى أزمة".

وتابع: " مهما كبرت بفضل ضعيف من غيرها … أى حاجة وصلتلها و أى حاجة قدرت أحققها هى كانت سبب مباشر فيها … أمى هى الشخص اللى فضل مؤمن بيا حتى في الوقت اللى أنا فيه فقدت الأمل و الثقة فى نفسي … أول مكالمة تليفون لأي شغل بيجيلي بتكون ليها … الدعوة اللى بتدعيهالى فى أخر كل مكالمة قادرة تحول أي مشكلة أو هم لشئ سهل و بسيط … سامية أكتر حد فاهمني و مستحملنى بكل عيوبى و أخطائي".