منى فاروق: محدش هيحس بيك ويطبطب عليك زي نفسك

وجهت الفنانة المصرية الشابة منى فاروق رسالة لجمهورها، نصحتهم فيها بالرفق مع أنفسهم، لأن لا أحد سيشعر بهم سوى أنفسهم.

منى فاروق كتبت، على حسابها بموقع "انستجرام": "أهلك ميعرفوش حجم الصعوبات والضغط اللي بتمر بيه في شغلك.. وشغلك مش فارقه معاه ظروف حياتك وبيتك".

وأضافت: "صحابك القدام مش هيفهموا حجم المسئوليات الجديدة اللي بقت فوق كتافك وصحابك الجداد ميعرفوش كم الخذلان والصعوبات اللي شوفتها في حياتك وشريك حياتك منتظر دايما الحب والدعم منك".

‎واختتمت كلامها، بقولها: "بأختصار محدش هيحس بيك ويقويك ويطبطب عليك زي نفسك.. فخليك رحيم بيها وكفاية تظلمها وتيجي عليها.. والجأ للي خلقك ورحيم بيك هو اعلم بحالك وارحم بيك من اي حد".