عمر السعيد ينعي والد يسرا اللوزي بكلمات مؤثرة

نعى الفنان المصري عمر السعيد، الفنان محمود اللوزي، والد الفنانة المصرية يسرا اللوزي، والذي توفي صباح اليوم الاثنين، عن عمر يناهز 63 عاما.

عمر السعيد نشر صورة لوالد يسرا اللوزي الراحل، وعلق قائلا: "يوم حزين على كل حبايبك يا محمود…افتقد اليوم استاذى و معلمى الكبير و افضل مخرج مسرحى و مدرب تمثيل فى مصر…فاكر ضحكتك الحلوة و هزارك و فاكر لما كنت بعصبك و تقعد تطير فى الكتب منى و من البعمله…طب فاكر يوم ما قولتلك انا كل مسرحية بعمل اختبار و مبتاخدنيش..تقولى عادى مفيش دور ليك و بلاش دوشة".

وأضاف: "فاكر يوم ما عملنا مسرحية ايزيس حبيبتى و كانت الناس بتضحك و يصقفوا على مشاهد ليا و دا لو تعلمون امر ممنوع و عظيم فى مسرح الجامعة الامريكية و بعد العرض تقولى بطل شغل التجارى دا و بكرا ما تقولش حرف زيادة عن النص… طب فاكر لما كلمتك و جيتلك البيت و قولتلك فيه مخرجة اسمها كاملة ابو ذكرى العاملة فيلم ملك و كتابة و كان خطييير وقتها و عاملالى اختبار بكرا و عايزك تمرنى على اختبار التمثيل لفيلم اسمه واحد صفر".

واختتم كلامه، بقوله: "محمود يا حبيبي جمايلك و طيبة قلبك و ذكرياتنا سوا عمرها ما هتتنسي…ذكرياتنا كتيرة و حلوة سوا يا حبيب القلب …انت شكلت وجدانى و افكارى و مش انا بس لا…دا جيل كامل من تلامذتك…هتوحشنا اه بس انت موجود جوا كل واحد فينا بحبك يا لوزى.. و خالص عزائى لسوسن و احمد و يسرا".