بشرى للإعلامية الراحلة أسماء مصطفى: فراقك وجع

وجهت الفنانة المصرية بشرى رسالة مؤثرة للإعلامية الراحلة أسماء مصطفى، والتي وافتها المنية صباح أمس الاثنين 22 نوفمبر، بعد صراع مع مرض السرطان.

بشرى نشرت صورة لأسماء مصطفى، على حسابها الخاص على موقع "انستجرام"، وعلقت قائلة: "مأثرة فينا قوى يا اسماء ..ماذا بينك و بين الله عشان قلبنا يوجعنا قوى عليكى كدة؟؟ فراقك وجع بجد و رغم تكرار اخبار الموت مؤخرا واحساس الواحد انه خلاص اتعود على الفراق و قاعد مستنى دوره بس دموعى مش عايزة تقف عليكى من امبارح".

وأضافت: "التاثير مش بطول المعرفة سبحان الله الأثر اللى الانسان بيسيبه فى اللى حواليه قيمته و قوته و تأثيره بيفاجىء الانسان نفسه...الله يرحمك و يحسن اليكى مواقفك معايا كلها إيجابية و جدعة حتى من قبل ما يكون بينى و بينك سابق معرفة."

وتابعت: "كنتى بتدعيلى فى عز مرضك و افتكرتى عيد ميلادى و بعتيلى و انتى متألمة و حبيتينى لله فى لله.كان عندى امل ربنا يختارك بمعجزاته لكن اللهم لا اعتراض. الطيبين بيمشوا بسرعة. مع السلامة يا اسماء".