عمرو وهبة يتقدم ببلاغ لمباحث الانترنت ضد متابع: هخليك عبرة

قرر الفنان المصري عمرو وهبة التقدم ببلاغ ضد متابع يقوم بشتمه دائما في تعليقاته على منشورات الفنان على حسابه بموقع "الفيس بوك".

عمرو وهبة كتب، على حسابه الخاص على موقع "الفيس بوك": "قولت قبل كده كتير انى بطنش الكومنتات السلبيه والشتيمه عشان ده جزء من شغلى ومع انى مش شايفلها مبرر خصوصا انى بوستاتى هزار لا سياسه ولا كوره ولا دين".

وأضاف: "بس دايما كنت بقول معلش جايز اللى بيشتم ده ظروفه وحشه يومه وحش حياته وحشه بيكرهنى لدرجه ان مش قادر يمسك نفسه.. بس قولت برده فى نفس البوست انى فى مره هخلى واحد عبره وهكمل للاخر وهزعله .. ولقيت الواحد ده".

وتابع: "وبما انك بتشوف بوستاتى وبتشتمنى فيهم كلهم فانا بقولك اهو متمسحش الكومنت عشان كله معايا ومتعملش بلوك ومتخليش حد من اهلك يكلمنى يعيط ومكان شغلك اهو مركز المعلومات ودعم اتخاذ القرار بمجلس الوزراء - مصر مركز المعلومات ودعم اتخاذ القرار مجلس الوزراء مباحث الانترنت".