ملخص تصريحات شيرين عبدالوهاب عن طليقها حسام حبيب: حلقت شعري علشان ماكونش حلوة في عينه

أجرت الفنانة المصرية شيرين عبدالوهاب مداخلة هاتفية مع الإعلامي عمرو أديب في برنامجه "الحكاية"، كشفت العديد من الأسرار عن طلاقها من الفنان حسام حبيب وسر حلاقة شعرها ومعاناتها، وإليكم ملخص تصريحاتها:

1- أنا كويسة بس عندي عدم اتزان.

2- حلقت شعري عشان ماكونش حلوة في عيون حسام حبيب.

3- الفرق بين حلاقة شعري والطلاق يوم واحد، ودي مش أول مرة أقص شعري.

4- حلقت شعري عشان أعاقب نفسي وأحتاح إلى احتواء الناس.

5- حاسة أن دماغي بتفرز أفكار طول الوقت ولو سبت دماغى هتاكلني.

6- أنا أقصر في حق نفسي لكن لا أوذي أحد، ودى وراثة عن والدي، هو أصوله تركية وهما بيمتازوا بالقوة والجسم العريض والشعر الكثيف الأسود، ولما كان يزعل كان يشيل شعره كله، وأنا ورثتها عن أبويا.

7- بعاني من وسواس قهري منذ ولادة بناتي والمشكلة الصغيرة بخليها قد الهرم، والمشكلة الكبيرة اخليها قد الالماظة الصغيرة.

8- أنا كنت هنتحر وأخلص من حياتي، ولما طلعت على المسرح في حفل الإمارات تقبلوني بالمنظر دا والناس اتبسطت والناس قبلوني كده، ومش عايز أركب باروكة.

9- لو الراجل حس إن مراته بتجيب فلوس أكتر منه هيحس بالضعف، ومش هيحس إنه راجل.

10- أنا لسه بحب حسام حبيب.. وهو راجل وسيد الناس كمان والست المصرية أصيلة جدًا احنا ناس بنعيش اليوم بيومه.

11- الحب بهدلة للأسف.. خلاني أنلدة.. ولازم معجزة تحصل لو رجعنا لبعض.

12- قبل ما يبدأ موضوعي مع حسام حبيب قلت إننا مش مناسبين وهو أصغر مني.

13- الرجل يفضل رجل ودكر لو بيكسب 10 جنيه.. والست تفضل ست لو بتكسب 2 مليون جنيه.