لقاء الخميسي: اكتشفت نفسي من جديد ولسه في كتير هايبان مع الوقت

تحدثت الفنانة المصرية لقاء الخميسي عن التغير الذي حدث في شخصيتها بمرور الزمن.

لقاء الخميسي كتبت، على حسابها الخاص على موقع "انستجرام": "كنت فاكره اني انا هأفضل انا لحد مامشي من الدنيا بعيداً عن تغييرات تجربة الرحلة اللي كلنا فيها .. اكتشفت اني غلطانه ".

وأضافت: "كل يوم بيعدي علّيا باتغير بشكل جذري . مابقاش عندي قدرة المناهدة والمحاورات والمشاكل الغير هادفة مابقتش استحمل اي شخص او اي حاجه ممكن تضايقني او تضغط علّيا أياً ما كانت نوعية الضغوط . بقيت بافضل العزلة والوحده والصمت الكتيررررر اًوي والتأمل .. مش عايزه اي حاجه مش صادقه ولا اي شخص مش حقيقي يبقى جزء من حياتي اللي عدى منها كتير ." ودي اجابة سؤال ناس كتير بتساله " انتي بعدتي عني ليه ".

وتابعت: "الراحه النفسية والهدوء النسبي والتأمل والصمت والسفر والكتب والموسيقى والمعرفة وولاد وعيلتي الصغيرة والأشخاص اللي بيحبوني زي مانا من غير طلبات خاصه دول هدفي في الحياة .. احنا فعلا بنتغير كتيرررررر من غير ماناخد بالنا . فجأة اكتشفت نفسي من جديد ولسه ف كتير هايبان مع الوقت ..لقاء".