بعدما هددها بالطلاق إذا زاد وزنها.. نجلاء بدر تدافع عن زوجها

دافعت الفنانة المصرية نجلاء بدر عن زوجها، بعد الانتقادات الشديدة التي تعرض لها، بعدما هددها بالطلاق إذا زاد وزنها

نجلاء بدر أكدت أن زوجها كان يمزح، حيث قالت: "كان بيهزر معايا، ولو مش بيهزر كدة الجمهور عنده حق يزعل، وأنا تفاجأت بردود الأفعال من الجمهور ودفاعهم عني، ولكن حرام محمد جوزي كان بيهزر مش أكتر، وأنا عشان عارفة طبيعته وحافظة جوزي كويس جدا وعارفة انه بيهزر".

وأضافت: "عمري ما تخيلت أن الموضوع هياخد الحجم ده، ودفاع الجمهور عني، ولو مش بيهزر يبقى عندهم حق طبعا، ومبسوطة جدا إن الجمهور بيدافع عني وبيدافع عن أي امرأة جوزها بيقولها كده أنه هيطلقها لو تخنت».

واختتمت كلامها، بقولها: "بجد هو كان بيهزر لان دي طبيعته وبيحب الهزار جدا الحمد لله، ودي صفة جميلة جدا فيه ومتخفوش أنا زي الفل وعلاقتنا زي الفل الموضوع كان هزار مش أكتر"..

وكان زوج نجلاء بدر، قد أجرى مداخلة هاتفيةمع زوجته خلال حوارها مع الإعلامية إنجي القاضي في برنامج "مساء dmc"، والتي قال فيها: "بحب فيكي إنك بتعملي تشكيلة أدوار كبيرة الفترة اللي فاتت، أدوار مختلفة ومفاجئة، أنا مش متخيل إمبارح كنت بتفرج عليكي لابسة بدلة، واحدة تخينة وعندها سمنة وصدقتك".

وسألت نجلاء بدر زوجها: "لو حصل كده في الحقيقة"، فرد: "هطلقك طبعا. أنا واخدك موديل معين، واخدك عربية سبور ولذيذة، تقلبي أتوبيس، هنزل المحطة الجاية على طول".