منة عرفة تتحدث عن مشاكلها مع زوجها محمود المهدي: إحنا اللي عملنا كده في نفسنا

تحدثت الفنانة المصرية الشابة منة عرفة عن المشاكل التي حدثت بينها وبين زوجها مؤخرا، والتي أدت إلى انفصالهما، قبل أن يعودا لبعضهما مجددا.

منة عرفة قالت: "أنا وجوزي كويسين جدا الحمد لله. كان في شوية مشاكل السبب الرئيسي فيها الناس وتدخل الناس في حياتنا ودي كانت غلطتنا، إحنا اللي عملنا كده في نفسنا بصراحة".

وأضافت: "أنا غلطت إن أنا عملت كده وصلحت غلطتي، ودلوقتي إحنا مبسوطين مع بعض وعايشين زي الفل، وعمري ما هعمل كده تاني. عمري ما هدخل الناس في تفاصيلي وأشاركهم حياتي بالشكل اللي كنت عاملاه."

وأكملت: "كنت متخيلة إن الناس بتفرح لبعض، وبيتمنوا الخير لبعض، بس اللي شوفته كان عكس كده. أنا مش هلوم على حد، ومش هعلم الناس إزاي يبقى في قلوبهم رحمة وحب لبعض".