عمرو محمود ياسين يعلن انتهاء تصوير كل حكايات مسلسل "نصيبي وقسمتك4": فركش أخيرا
أعلن الكاتب والسيناريست عمرو محمود ياسين عن انتهاء تصوير كل حكايات مسلسل "نصيبي وقسمتك4"، الذي يعرض حاليا على شبكة قنوات ON.
عمرو محمود ياسين كتب: "فركش اخيرا مسلسل نصيبي وقسمتك ٤ .. بأمانه شديده احنا كان معانا وحوش مش كروو .. بجميع الاقسام. من انتاج .. إخراج.. تصوير واضاءه مونتاج صوت و مكساج.. ديكور.. ملابس .. مكياج. .بوفيه سواقين ..وطبعا كمان الممثلين بكل حكاية ..بصراحه كانوا بييجوا بنعذبهم 🙈😄 والضحايا كتير ".
وأضاف: "بس الناس لازم تعرف ان كل الحكايات اتكتبت ع الهوا. اتصورت ع الهوا. اتمنتجت ع الهوا.. في سباق رهيب مع الزمن لم اراه من قبل .. شيء محدش يقدر يتخيله.. بجد اللي حصل في المسلسل ده محدش يتخيله لاننا اضطرينا نشتغل في توقيت معين واخدنا الريسك .. فا نأسف لو في اي تقصير. من اي حد فينا ."
وتابع: "انا عايز اشكر كل الناس فرد فرد لان كلهم كانوا ابطال و بيشتغلوا ب ٣٠ ساعه واكتر .. بس احب اشير للدايره القريبه مني في الشغلانه اللي هما كانوا اكبر عون لي وكنت بتعامل معاهم طول الوقت.. وهم المنتج المحترم وصديقي احمد عبد العاطي.. شريك الرحله لللي بنشيل الهم سوا..المخرج المنفذ احمد عمر اللي بينيمني ويصحيني ع مزاجه و يرسم لي الطريق اعمل ايه و معملش ايه 🤓.. المشرف العام. ع الانتاج ماجد جاب الله المنتج الفني ايمن شوقي و مدير ادارة الانتاج وليد الحسيني اللي دايما بيطمني انه كله تمام حتي لو مش كله تمام بس بيعالجني نفسيا 🙈 .. و مدير الإنتاج أيمن عباس وجميع افراد طاقم الانتاج .. مهندس الديكور رمسيس سليم و مهندس محمد المغازي اللي فجاه بطلب منهم تغيير اوضة نوم لقسم شرطه عادي .... 😄 وباقي افراد قسم الديكور الرائعين... مسنقين مناظر هاني سلطان و سامي حميده ".
وأكمل: " ستايلست حسن مصطفى اللي بياخد البريف لاست مينت وبيسد عادي و جميع مساعديه.. مصمم صوت و مكساج العالمي م علي السعيد .. مهنس الصوت محمد زكريا ومساعديه .. واسيست محمود.. المونتيره المتمكنه جدا منه جاب الله.و ايه عبدالعزيز ومصطفى عماد ..ويوسف عادل اللي صمم هذه الافيشات الرائعه ..بروموهات وليد ابوالعنين ...وبوبا دياب ميكاب ارتيست وجميع مساعديها . وكوافير اسماعيل الاسكندراني اكسسوار هاني جمال بوست برودكشن خليفه السيد".
وأضاف: "وطاقم الإخراج الرائع .. ( الوحوش ) بجد وحوش ...مساعد اول مصطفي الجمال. و ضياء سيف و مي وائل و مأمون شديد واسلام ناصر.. بجد ليهم الف تحية عمود العمل دول .. وجميع من عمل بالاخراج. ..مدير التصوير المتميز هيثم ناصر و المخضرم عماد عثمان .. وحسن زيدان و محمد شديد وجميع طاقم التصوير ... وكاستنج دايركتور محمد حجاج . طبعا الاسماء دي مش بذكرها مش عشان هي الاهم بقدر ما ان دول الناس اللي كنت بتعامل معاهم طول الوقت بشكل مباشر ".
واختتم كلامه، بقوله: "واخيرا وليس اخرا المخرجين الرائعين. الاستاذ عصام نصار.. الاستاذ محمد الخبيري. والأستاذ رامي رزق الله .. اللي قدروا يقدموا حكايات جميله في ظروف صعبه جدا وسكريبت مش خلصان لكن كانوا في ضهري وقدموا شغل رائع. ..كل التحيه لهم والتقدير والف شكر للجمهور الرائع ع الدعم والمسانده ❤❤".