جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

كريم الشناوي مخرج مسلسل "لام شمسية" لمنى زكي: مبسوط بقرار التأجيل

الخميس 20 يناير 2022 | 01:21 مساءً
سارة إبراهيم
699
كريم الشناوي

علق المخرج كريم الشناوي على قرار تأجيل مسلسله الرمضاني "لام شمسية" بطولة النجمة منى زكي، من رمضان 2022، إلى رمضان 2023.

كريم الشناوي كتب، على حسابه بموقع "الفيس بوك": " بعد خبر تأجيل المسلسل امبارح، جالي تليفونات و رسائل كتير لاصدقاء بيطمنوا و بيدعموا القرار".

وأضاف: "انا بس حابب اوضح اني مبسوط بالقرار و ممتن لكل الشركاء في العمل اللي حطوا مصلحة المشروع قبل مصلحتهم من اول المنتج و شركة الانتاج و الاساتذة الممثلين و الاساتذة رؤساء الاقسام و كل الشركاء في العمل اللي بذلوا مجهود كبير في الفترة اللي فاتت و لسة عندهم الحماس لبذل مجهود اكبر لما نستكمل العمل. احنا عمرنا ما بنضمن النتيجة لكن دورنا نوفر افضل ظروف ممكنة للشغل و الحقيقة دي القناعة اللي عند كل فريق العمل و دي حاجة تفرح جدا".

وتابع: "حابب كمان اشكر فريق الإخراج اللي انا حقيقي محظوظ اني بشتغل معاهم و اللي كانوا شريك اساسي في كل نجاح حققنا قبل كده و امبارح كنت ممتن جدا انهم حولوا قرار صعب زي ده لقرار سهل و مفهوم و منطقي حتى لو بيلخبط حساباتهم الشخصية، و دي حاجة بتؤكد فخري و اعتزازي بفريق الإخراج اللي بشتغل وسطهم".

واختتم كلامه، بقوله: "حاجة أخيرة و شخصية، امبارح كانت الذكري السنوية الاولي لوفاة عمتى مها الشناوي، و قعدت افتكر كل الكلام اللي كانت بتحكيهولي عن الصناعة و ازاي هنفضل طول الوقت قدام خيارات صعبة و لازم نقدر عليها و في نفس الوقت نحافظ على شغفنا للشغل اللي بنعمله. فكنت مبسوط انها حاضرة و مؤثرة في يوم زي امبارح".