مراد مكرم: لو عملنا افلام مستوحاه من صفحة الحوادث في مصر هتبقي بتعبر عن القيم المصرية؟
علق الفنان المصري مراد مكرم على الانتقادات التي تعرض لها فيلم "أصحاب ولا أعز"، بعدما تم اتهامه بعرض قضايا غريبة على المجتمع المصري ولا تحدث به.
مراد مكرم نشر بوست يضم بعد الحوادث التي وقعت في مصر، والتي تعد أبشع مما عرض في الفيلم، وعلق قائلا: "تفتكروا لو عملنا افلام فيها القصص دي الي هي مستوحاه من احداث حقيقيه فعلا من صفحة الحوادث في مصر.....الافلام دي هتبقي بتعبر عن القيم المصريه؟؟؟؟؟؟".
وأضاف: "للاسف المجتمع المصري طول عمره عايش بمبدء اعمل الي علي مزاجك طالما مش قدام الناس ،و مع التطور الرهيب في وسائل التواصل الاجتماعي ،ما بقاش فيه حاجه مستخبيه ،بس مجتمعنا لسه مش عارف يتأقلم..عايزين الحل؟؟؟ الحل اننا نعترف اننا مش مجتمع فاضل...فينا الحلو و فينا الوحش...بل ان حتي الشخص الكويس ساعات بيعمل حاجات غلط .ده اولا".
وتابع: "ثانيا ،ما نحكمش علي حد ،لان الحكم في الآخر لربنا...مش بتاعتنا خالص.لا تدين لكي لا تدان.. أما ثالثا بقي وهو الأهم ،نربي ولادنا صح ،نربيهم انهم يشوفوا و يعرفوا الصح من الغلط حسب دينا و مجتمعنا ،و نفهمهم ان في كل مجتمع فيه الصالح و الطالح....و نعلمهم يعرفوا يميزوا و برضه ما يحكموش علي حد....نعلمهم يركزوا في حياتهم و الي يعجبهم يتقبلوه و الي ما يعجبهمش يرفضوه بدون عدوانيه او تنمر".