تامر حسني يوجه رسالة شكر لجمهوره بعد فوزه بجائزة أحسن ممثل عن فيلم "مش أنا"
وجه الفنان المصري تامر حسني رسالة شكر لجمهوره بعد فوزه بجائزة أحسن ممثل عن فيلم "مش أنا"، من خلال ثلاثة استفتاءات للجمهور.
تامر حسني كتب، على حسابه الخاص على موقع "انستجرام": "تصويت و جوائز الجمهور و ردود افعالهم في الشارع هي اهم انواع الجوائز بشكر جماهير كل الجهات المحترمه زي اي تي بالعربي و عرب وود و وشوشه لحصولي على افضل ممثل لهذا العام ٢٠٢١ عن دوري في فيلم (مش انا ) و حصولي ايضاً على افضل فيلم ( مش انا )".
وأضاف: "جميعنا كنا في اتتظار تقديركم الشخصي لمجهود كل شخص فينا تعب في الفيلم دا و فرحتي بتتضاعف لأني اول مره آخد جايزة احسن فيلم في حياتي يكون فيلم قصه و سيناريو و حوار تامرحسني".
وتابع: "و من اهم الرسايل اللي كان نفسي اوصلها لجمهورنا الكريم ان المريض الحقيقي هو اللي معندوش طموح و ان الإنسان يقدر يوصل لحلمه رغم اي ظروف و ينفع يصنع حلم جديد يكون هو اول حد فكر فيه واثق ان الجمله دي في كتير محتاجين لها و حالاً حاسين ان الكلام ليهم ايوا ليكم".
وأكمل: "شكراً جمهورنا المحترم شكراً زوجتي حبيبتي بسمه على دعمك طول السنه شكراً لكل فرد في اسرتي و جميع افراد الشركه اخواتي حبايب قلبي شكراً اخي حسام حسني اول انتاج ليك انتاج يشرف و محترم و بيقول رساله و حقق اعلى ايراد فيلم مصري في تاريخ السينما العربيه و دا كان تحدي بينا يا حس انه يبقى فيلم راقي و محترم و يحقق اعلى ايراد و انت كنت خايف.. مبروك يا حبييي ليك و لكل شركاء الإنتاج أ/ احمد الدسوقي 💪🏼و أ/ احمد بدوي💪🏼، و أ/ عمرو عاكف و افراد شركته المميزين و طبعاً مخرجتنا الجميله الرائعه أ/ ساره وفيق عقبال القادم.. يارب".