حسام داغر: مش مبسوط من دوري في الجزء الثالث من مسلسل "اللعبة"

عبر الفنان المصري حسام داغر عن استيائه من تقليص مساحة دوره في الجزء الثالث من مسلسل "اللعبة"، والذي يعرض حاليا على منصة "شاهد".

حسام داغر كتب، على حسابه الخاص على موقع "انستجرام": "انا بحب شيكو جداً .. و بحب كاست اللعبه كله بشكل عام .. بس انا مش مبسوط من دور رجب معاهم الجزء ده بسبب انه كان امتداد لدوره في الجزء التاني وووافقت علي الجزء الجديد علي كلام ووعد من المجموعه ان دور رجب مكمل بسبب النجاح الي حققته الشخصيه قبل كده".

وأضاف: "وانا صدقت و دخلت تصوير علي اساس ده و كان معانا عدد حلقات قليل .. لكن لقيت النتيجه ان بسبب مشاكل انتاجيه الدور متشال و تواصلت مع المؤلف و فريق الكتابه و قلت لهم بالنص لو اعرف مكنتش دخلت تصوير من الاول … لكن انا مش زعلان لان الحمدلله الناس عارفه كويس مين حسام و عارفين شغلي عامل ازاي قبل كده و في نفس الوقت انا كنت متحمس لما شيكو قالي انت احلي حاجه حصلت معايا في الجزء الي فات".

الفنان المصري اختتم كلامه، بقوله: "انا حبيت بس اشاركم الي حصل خصوصاً ان دي اول مره تحصل معايا .. لكن لسه الواحد بيتعلم و هيفضل يتعلم" .