ميرهان حسين تؤدي مناسك العمرة: بقول لأصحابي الملحدين فايتكو أعظم حاجة في الوجود

شاركت الفنانة المصرية ميرهان حسين جمهورها بصورة لها، اثناء أداءها مناسك العمرة، والتي ظهرت فيها من أمام الكعبة، وكانت مرتدية جلباب وحجاب باللون الأبيض.

ميرهان حسين علقت على الصورة، التي نشرتها على حسابها الخاص على موقع "انستجرام": "مع ان الصورة دي من احب صوري لقلبي .. اترددت انزلها.. أولًا خفت ان دا يأثر على ثواب حاجة بيني وبين رب العالمين ثانيًا عارفة ان في ناس سطحية كتييير هايكتبوا كومنتات كلها ايه يا طاهرة ايه يا ست الشيخة و يعملوا فيها انهم مابيغلطوش ابدا و جايين يحكموا على ناس زيهم احكام هبلة و خلاص و هما مايعرفوش اللي بينك و بين ربنا ولا عمرهم هايعرفوه".

وأضافت: "بس قولت لأ مش هامشي ورا الفكر دا و هانزل صورتي اللي بحبها عشان فيها ذكرى وجودي في اطهر بقاع الأرض و انا ضيفة في بيت الله الحرام و بحتفل فيها بنعمة من اكبر النعم هي نعمة إن ليا رب عظيم اسمه الكريم اللي ممكن اطلب منه اي شئ ومفيش حاجة كبيرة عليه إنما أمره إذا اراد شيئا ان يقول له كن فايكون".

وتابعت: "نعمة وجود ربنا فحياتنا اكبر من كل النعم انا حقيقي معرفش ازاي في ناس بتلحد و تنكر وجود ربنا و العياذ بالله وفي منهم اصحاب ليا و ناس بقابلهم و مع حبي ليهم بس بقولهم فايتكو اعظم حاجة في الوجود ان يبقا ليك رب قادر على تحقيق كل اللي يتمناه قلبك و يسرح فيه خيالك رب اكبر من كل كبير هو الأمان في الدنيا دي و كل من عليها فان ".