حسام داغر يطمئن جمهوره بعد تعرضه لأزمة صحية مؤخرا

تعرض الفنان المصري حسام داغر لأزمة صحية مؤخرا، حيث عانى من ارتفاع مفاجئ في ضغط الدم، دخل على إثره المستشفى.

حسام داغر طمأن جمهوره على حالته الصحية، بقوله: " لحمدلله خرجت من المستشفي رجعت البيت بقيت احسن الحمدلله طلبوا مني متابعة الضغط و اقيسه كذا يوم لتحديد السبب".

وأضاف: "بشكر كل صحابي الي جم المستشفي اطمنوا عليا عامر و حمزه العيلي و وحيد و ابراهيم نور و امنيه و امير الحديدي و عبد الوهاب و اختي سهي و ريهام و كل الي قلقتهم اخواتي محمد و نهي و احمد و دكتور احمد سمير و علي و كل الي اتصل بيا و ردوا عليه و كل الي كتبولي و اطمنوا عليا و دعولي دعواتكم هي الي خلتني احسن".

وتابع: "انا بس موضوع الضغط ده جديد عليا و شكلي كده دخلت نادي بتاعه علي راي سما ابراهيم صديقتي بشكرك و بشكر كل الي اطمنوا عليا و كتبولي لو اقدر هشكر واحد واحد بس دكتور طلب مني الراحة يومين و الابتعاد عن الموبيل و التوتر و تنظيم الاكل و اشرب ميه كتير لاني فعلا كنت مهمل فيها جدا .. خلوا بالكم من نفسكم و يا رب متشوفوش وحش ابداً فيكم او في حبايبكم".