بالصور.. شذى تحيي الذكرى الثامنة لوفاة والدها

أحيت الفنانة المصرية شذى الذكرى الثامنة لوفاة والدها، والتي تحل اليوم الاثنين 4 إبريل.

شذى نشرت مجموعة صور لوالدها الراحل، على حسابها بموقع "انستجرام"، وعلقت قائلة: "زي انهارده ٤/٤/٢٠١٤ من ٨ سنين بابايا نزل على أساس ان هو مسافر الزقازيق و مرجعش و جالي اصعب مكالمه في عمري و بالرغم انها جاتلي من رقم بابايا بس كان احساسي اني لما ارد مش هلاقي صوته و ده بجد اللي حصل لقيت واحد بيسألني لو اعرف صاحب الرقم ده لاني أخر رقم هو كلمه من تليفونه ! و طبعا قالي البقاء و الدوام لله".

وأضافت: "عمري ما اتمنى حد يعدي باللي عديت بيه و لسه بعدي بيه لان اللي بحكيه ده حصل يا دوب بعد وفاه مامي بسنتين اللي اساسا لحد دلوقتي مستوعبتش انها مش موجوده حقيقي حافظوا على اهاليكوا و حبوهم و اهتموا بيهم لان اكتر حاجه بتصبرني اني عمري ما رفضت لاهلي طلب ولأ اتأخرت عنهم علشان كده كتير ربنا بيبعد عني ناس و حاجات بزعل عليها في الأول بس بعد شويه بعرف ان دعوات أهلي و بر الوالدين هو اللي بيخلي ربنا يحميني".

واختتمت كلامها، بقولها: "الله يرحمك يا أكتر راجل احترمني من صغري و قدرني و صدقني و دعمني و آمن بيا و علمني احترم الناس و اصون الوعود و اخاف على زعل ربنا و احبه و حتى ولو مكنتش كامله في كل حاجه لان الكمال لله بس بحاول اكون نبته صالحه حضرتك زرعتها و ان اللي يتعامل معايا يدعولكوا بالرحمه ربنا يرحمكوا يا رب 🤲 فضلا و ليس أمرا تدعولهم بالرحمه هو مامي الله يرحمهم #وحشوني".